De leden van `n Schrieversbond Oaveriessel loat van zich heuren.
Op Zoaterdagoavond 18 oktober ankommend verzoargt ze vuur alle leu, dee doar plezeer an hebt, nen oavond met biezundere verhalen, gedichten en mooie muziek in allerlei Oaveriesselse dialecten..
Dit doot ze in het prachtige kulturhus ‘De Klaampe` in Westerhaar. De streektaal steet hier, wat de stie en taal angeet, in het milden.
Op de joarvergadering van meert van dit joar hebt ze met mekaar beslötten um wat biezunders te doon en dat doot ze. Het hef as naam metkreggen ‘ Schrieven en Oetdreagen` en dat dan op enen dag.
Op 18 oktober komt de schrievers oaverdag bie mekaar in het Veenmuseum en door goat ze noa ne roondwaandeling an het weark. Het zölt wisse mooie gedichten en verhalen wörden en dee bint dan te heuren op `n zölfden oavond. Doar blif het nich bie want zee loat oe ok genieten van het beste van ear weark wat ze eerder hebt schrevven.
En dat is nich alles, tuske duur is der muziek met Harm Jan Wilbrink oet Dedemsvaart. As troubadour zal hee mooie en biezundere luusterleedkes loaten heuren. Het wördt nen oavond dee boetengewoon is!
Schrievers dee metdoot zint: Jannie Bakker, Henk Vos, Riek van der Wulp, Jan Zandbergen, Bert Wolbert, Dick Podt, Corry Overmars, Femmy Woltman en völle aanderen.
Plaats: Kulturhus ‘De Klaampe` in Westerhaar an de Beeklaan 1
Anvang 20.00 uur. Zaal los: 19.30 uur.
Toogangspries: 3.50 Euro, met doarbie koffie.
Vuur ne go plaats is reserveren möggelijk: 0546-805151
Vuur informatie stuur nen e-mail noar: streektaalcentraal@gmail.com
