De koninginne

0
193

De koninginne

Zul de koninginne iedere nacht een skone nachtjapon antrekken?
En veur de spiegel ök wel is goan te gekkebekketrekken?
En zegt de prins dan ‘s oams tegen zien Maxima?
“Ik goa an dizze kaante ling en ie goat da”.

Zul de koninginne `s oams ök wel is an mi-j denken?
Dan bi-j zich züllef zeggen “Die vent goa ik wat van mien arfnis skenken?”
En zegt de prins dan ‘s oams tegen Maxima, zien lekker ding?
“Ik goa vannacht mar is an de aandere kaante van oe ling”.

Zul de koninginne wel is deur et paleis op blote voeten lopen?
Umdat ze van heur uutkering gien goeie skoen kan kopen?
En zegt de prins s`oams: “Maxima wi-j sloapt hier nöw wel saam.
Mar ik wil dichte bi-j de deure ie goat mar bi-j `t raam”.

Mut de koninginne ‘s morgens as ze wakker is ök drekt noar de wc?
Is dat een golden troon met kroontie of een gewone plee?.
En zegt de prins dan ‘s morns tegen zien mooie Maxima?
“Geef mi-j is een paar grune sokken uut de boomste la”.

Zul de koninginne op koninginnedag ök zenuwachtig ween?
En s`oams doodmuu veur heur berre zichzulf uut goan kleen?
En zegt de prins dan s`oams tegen zien kinder en tegen Maxima?
“Zo`n koninginnedag doe ik later toch wel aanders dan mien ma”.

April 2010
Henk Vos
Dedemsvaart

LAAT EEN REACTIE ACHTER

Please enter your comment!
Typ je naam hier